"Azərlotereya" ASC-nin satınalma komandası üçün ən son dəyişikliklər edilmiş qüvvədə olan "Dövlət satınalmaları" haqqında Azərbaycan Respublikasının Qanununun, əlaqədar qanunvericilik sənədlərinin beynəlxalq praktika və qanunvericilikdə gözlənilən yeniliklərlər birlikdə A-dan Z-yə ətraflı izah edildiyi sentyabrın 24-ü start götürən Dövlət satınalmalarının təşkili (geniş) korporativ təlim 24 yanvarda yekunlaşdı!
Qeyd edək ki, bu təlim dövlət satınalmaları sahəsində çalışan və çalışmaq istəyən mütəxəssislər, eləcə də dövlət satınalmalarında iştirak etməyə maraqlı olan sahibkarların nümayəndələri üçün nəzərdə tutulmuş, eyni zamanda əyani və onlayn təşkil edilən dövlət satınalmaları sahəsində təlimin IV sessiyası idi. Bundan əvvəl 6 aprel-14 may tarixlərində 25 saatlıq I sessiya, 27 iyul-15 avqust tarixlərində sadəcə Qanunvericiliyin izah edildiyi qısa formatda 15 saatlıq II sessiya və 01 oktyabr-12 noyabr tarixlərində 25 saatlıq III sessiya keçirilmişdi.
İmtahan
Müxtəlif səbəblərdən ertələnən 17 oktyabrda olan sonuncu dərsdən təxminən 3 ay sonra, 11 yanvarda keçirilən imtahana təlimə qoşulan 8 iştirakçıdan 7-i keçirilən imtahanda iştirak etdi və ilk dəfə idi ki, iştirakçıların hamısı 50 faizdən yüksək nəticə göstərərək tamamlama sertifikatı əldə edə bildi. İmtahanda ən yüksək nəticəni 88% göstərici ilə Ravil Əlili göstərdi!
Məzunlarımız
Təqdim edilən sertifikatların həqiqiliyini yoxlaya bilinməsi üçün bu günə qədər tərəfimizdən keçirilmiş müxtəlif təlimlərdə sertifikat almış iştirakçılar (ad-soyad, sertifikat nömrəsi, təlimin adın və tipi) barədə məlumatlar "Təlim" səhifəmizdə "Məzunlarımız" bölümü yaradılaraq əlavə edilib. İştirakçılardan LinkedIn profili olanların profilləri ilə adları əlaqələndirilib (hyperlink).
Təlimdən fotolar
Başqa təlim olacaq?
Növbəti təlimlərin gələn ilin əvvəlində (fevral-mart) daha fərqli formatda keçirilməsi planlaşdırılır. Təlim siyahısında olan təlimlərin korporativ müştərilər üçün, hamıya açıq təlimlərin isə daha çox satınalma sahəsində artıq minimal səviyyədə təcrübəsi və nəzəri bilikləri olan şəxslər üçün hər şey daxil qısa 1-2 tam günlük "master-class" formatında keçirilməsi nəzərdə tutulur.
Tərəfimizdən keçirilən digər 6 təlimimiz barədə bu səhifədən məlumat ala, növbəti təlimlər barədə məlumatlanmaq üçün həmin səhifədəki müraciət formunu doldura bilərsiniz. Təlimlər, eləcə də digər məlumat və yeniliklərdən vaxtında xəbərdar olmaq üçün bizi sosial şəbəkə hesablarından izləyə, eyni zamanda abunə ola bilərsiniz!
Comments