Onlar dövlət satınalmalarında uğur qazanmağın sirlərini ilk öyrənənlərdən oldular


30 oktyabr tarixində Holiday Inn hotelində Tender-Satınalma-Təchizat və "Business Management School" MMC-nin birgə təşkilatçılığı ilə dövlət satınalmalarında iştirak edib uğurlu olmaq istəyən sahibkarlar üçün birinci dəfə təşkil olunan "Dövlət satınalmalarında necə qalib gəlmək olar?" tədbiri 70-ə yaxın iddiaçının nümayəndəsinin iştirakı ilə müvəffəqiyyətlə baş tutdu!





 

8 saat davam edən tədbirdə spikerlər Elşən Həsənov dövlət satınalma haqqında qanunvericilikindən və onun incəliklərindən bəhs etdi, Rüstəm Kərimov isə iştirakçılara elektron satınalma vasitəsilə keçirilən açıq tenderdə necə qeydiyyatdan keçib iştirak etmək lazım olduğunu əyani formada göstərdi, həmçinin mövzular və qarşılaşılan problemlərlə bağlı suallara cavab verildi. Kofe və nahar fasilələrində isə tədbir iştirakçıları bir-biriləri ilə tanış olmaq və şəbəkələşmə imkanı əldə etdilər.


Daha sonra xüsusi qonağımız olan İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin Dövlət satınalmaları şöbəsinin müdiri Əhməd Həsənov iştirakçıların qarşılaşdıqları faktiki problemlər barədə suallara cavab verdi, problemlər və onların həlli yolları barədə qızğın müzakirələr aparıldı.



Tədbirin sonunda xatirə şəkli çəkilərək iştirakçılara sertifikatlar və dövlət satınalmalarında iştirak edən iddiaçıların diqqət etməli olduğu məqamların əks olunduğu broşuralar paylandı.